Det pågår fredag føremiddag eit redningsoppdrag til Trolltunga via hovudredningssentralen. Det fortel politibetjent Paul Henriksen ved Hardanger lensmannskontor.
- Det er ein tyskar som har skada kneet, og Røde Kors er på veg for å henta han, seier Henriksen.
Turisten vart seinare på dagen henta av luftambulanse.
Mannskap frå både Tyssedal, Odda og Kinsarvik Røde Kors var med på oppdraget.
Aksjonen er årets fjerde i området mot Trolltunga for det lokale hjelpekorpset.