Vest politidistrikt opplyste om trafikkulykka på Twitter rett før klokka 15:00.

Naudetatane var då på veg til staden, der det skal ha vore ei ulykke mellom to motorsyklar.

– Ukjend skadeomfang, to personar involvert, meldte Vest politidistrikt

Vegtrafikksentralen hadde då stengd brua inntil vidare, men noko seinare vart det opplyst at vegen var opna att.

– Politi er ikkje framme på staden endå, men begge personar skal vere oppegåande, opplyser operasjonssentralen i Vest politidistrikt til Hardanger Folkeblad klokka 15:06.

Ifølge BT tok ambulansen på staden med seg begge førarane til sjukehus for sjekk.

Det vert vidare opplyst på Vest politidistrikt sin Twitter-konto at ulykka skal ha skjedd på Kinsarvik-sida av brua.