Skilta var komne opp i løpet av torsdag denne veka. Ove Mansåker, byggjeleiar i Vestland fylkeskommune, opplyser at det er snakk om nattestengt i tunnelen.
Årsaka er vedlikehaldsarbeid som skal utførast, og det er Presis Vegdrift AS som skal gjere jobben.
– Dei beklagar at informasjonen ikkje er komen skikkeleg ut, og det vil kome meir informasjon på 175.no, seier Mansåker.
Han informerer vidare at stengeperioden på natta vert mellom klokka 20:00 og 06:00, med ledebil annakvar time.
Mansåker legg til at det truleg vil kome meir informasjon på skilta som er sett ut etter kvart, for å gjere det mindre misvisande.