Stadnamn på vent i Ullensvang: Har purra på Språkrådet

Rådmann Magnus Steigedal og sakshandsamar Anne Gerd Nysveen. Arkivfoto

Rådmann Magnus Steigedal og sakshandsamar Anne Gerd Nysveen. Arkivfoto

Artikkelen er over 1 år gammel

Ullensvang herad har purra på Språkrådet for å få uttale om ti stadnamn.

DEL

Ullensvang herad har gjennomført adresseprosjekt frå offisielle adresser med gards- og bruksnummer til vegadresser. Etter lokal høyring vart det reist namnesak på skrivemåte for nokre av adresseparsellane, og med bakgrunn i den lokale høyring har Ullensvang heradsstyre kome fram til tilrådde skrivemåtar.

«Utfordringa til heradet no er at me sårt skulle ha fullført adresseprosjektet med tildeling av adressene og skiltinga. Dette får me ikkje gjort før de har uttalt dykk, og Kartverket har fatta vedtak. Det er heilt uforståeleg for innbyggjarane at dette skal hindra oss i å tildela vegadresser, slik at mellom anna naudetatane og andre lett finn fram til dei», skriv sakshandsamar Anne Gerd Nysveen.

Ho ber Stadnamntenesta på Vestlandet prioritera skrivemåten for fylgjande adresseparsellar, slik at heradet får tildelt adresser også til desse: Ekrena, Fletena, Gravena, Hausalia, Hellelandsvegen, Legena, Lerkeholena, Reisætervegen, Syreflot og Vetle-Ås.

Artikkeltags