NVE vil arrangera eige flaumluke-møte

Sven Olaf Brekke: Takka for beklaging frå NVE.

Sven Olaf Brekke: Takka for beklaging frå NVE.

Artikkelen er over 2 år gammel

Ein rapport om flaumlukealternativet vil komma på høyring i april. NVE opnar for nytt folkemøte då.

DEL

– NVE blir tilsend forprosjektet om flaumlukealternativet 30. mars. Vi arrangerer gjerne eit folkemøte om dette alternativet også, sa regionsjef i NVE, Brigt Samdal, under folkemøtet i kinosalen måndag.

Etter at NVE har mottatt forprosjektet, blir det lagt ut på høyring.

– Flaumlukealternativet må deretter nyttevurderast, og prioriterast innanfor dei løyvingane som NVE har, sa Samdal.

– Dersom politikarar ønsker å gi ekstraløyving eller direkteløyving utover det, er det mogleg, men det er politikk og utanfor vårt område, la han til.

Realistisk pris

Siss-May Edvardsen frå NVE orienterte kort om flaumlukene.

– Lukene vil komma i berøring med bruene i utløpet av Sandvinvatnet. Forprosjektet vil avgjera om det lar seg gjera reint teknisk, sa ho.

– Rapporten skal og innehalda eit kostnadsestimat som skal vera realistisk, la ho til.

Sven Olaf Brekke tok i spørsmålsdelen av møtet ordet og takka for at Samdal beklaga at flaumlukerapporten ikkje var klar til møtet.

– Han har god grunn til å beklaga. Vi er og skuffa over at NVE ikkje ville utsetta dette møtet til rapporten er klar, slik at vi må vurdera alternativa kvar for seg, sa han.

Artikkeltags

Kommentarer til denne saken