Gir 200 000 kroner til Oddamusikal

Odda kommune gir 200 000 kroner til nyoppsetting av Oddakonsertene sin musikal «Albert og Leonie» i mai/juni 2020.

Det vedtok eit samrøystes kommunestyre onsdag førre veke.

I vedtaket heiter det og at kommunestyret finn planane for realisering av eit pilegrimsspel i Røldal i 2021, som eit samarbeidsprosjekt over tre fylkesgrenser som særs interessante med tanke på å styrke arbeidet med pilegrimssatsinga i Røldal.

Gunn Gravdal Elton, som står bak musikalen, har tidlegare sagt til HF at ho har som mål at musikalen skal settast opp fast i nye Ullensvang kommune.

– Eg er hoppande glad for at vi gjer dette. Det er nokre som har trekt seg, men dei aller fleste har lyst til å vera med. Både skodespelarane, musikarane, kostymedesignarar, lyd og regissør, sa ho til Hardanger Folkeblad i august.

I år hadde musikalen seks utselde førestillingar, og 2637 personar fekk sjå musikalen.