Juryen valde ut tre kreative i staden for éin: Lothepus, Vossen og familie er kåra

21 bidrag kom inn då heimesideredaksjonen i Eidfjord kommune arrangerte konkurranse. Oppgåva var å byggja den mest kreative snømannen i Eidfjord. Dei hadde lova gåvekort på 500 kroner til éin vinnar. — Me har hatt jurymøte og klarte ikkje velja éin vinnar, dermed vart det tre, melder dei. Dei tre er: Lothepus laga av Bjørn Inge Hereid Medhus, snømannfamilie laga av 2. — 3. klasse på Lægreid skule og Vossen (besten frå Voss) laga av Tuva Hotle Riber og Per-Georg Riber. Dei tre vinnarane får alle gåvekort på 500 kroner og diplom. Vinnarane har fått melding om kåringa og skal få premie over helga.