Jubileumskonsert med Hauge og Tveitt

Artikkelen er over 8 år gammel

Førstkomande sundag held Geir Botnen (bilete), Reidun Horvei (song) og Einar Mjølsnes jubileumskonsert med Hauge/Tveitt i Formannshuset i Odda. Tysdag vert konserten halden på Hordatun i Ullensvang.

DEL

Ver heime sjølv om du er borte. Lokale nyheiter - 5 kr for 5 veker

Programmet er laga av Fylkeskonsertanene i Hordaland.

Utøvarane kjener Hardanger og folkekarakteren der betre enn dei fleste, og dei har alle tre hatt Hauge og Tveitt på repertoaret i mange år. Men dette er fyrste gongen dei lagar eit program der både diktaren og tonediktaren står i fokus. Dei søkjer også å kasta ljos på kva rolle naturen og kulturen i Hardanger spelte for utviklinga av dei to kunstnarane.

Olav H Hauge vart fødd 18. august 1908, Geirr Tveitt 19. oktober same året.

- Det er eineståande at Hardanger har fostra to slike kunstnarpersonlegdomar på same tid, og det gir god grunn til å feire dei gjennom dette programmet, seier produsent Kjell Olav Heggstad i kulturavdelinga i Hordaland fylkeskommune.

Lokal arrangør i Odda er Musikkens Venner i samarbeid med Odda Mållag.

Artikkeltags