Gå til sidens hovedinnhold

Flyr på plass modular fredag og laurdag

Modular til to av dagsturhyttene vert flogne opp med helikopter fredag og laurdag denne veka. Målet er å kunna ta hyttene i bruk om ikkje alt for lenge.

For abonnentar

Transport av modular og tilhøyrande materiell for hytta i Jondal skjer fredag 20. august mellom klokka 12 og 14. På Lofthus skjer det laurdag 21. august mellom klokka 08 og 11.

– Dette kan vera spennande å observera og fylgja med på, men alle må vera greie å halda trygg avstand til helikopter og hengande last, oppmodar Else Marie Sandal.

Ho er prosjektleiar i Ullensvang og vert sjølv med når modulane vert flogne frå Hardanger Energi si tomt i Jondal og opp til Teglhaug fredag. Ho vert òg med dagen etter. Då vert det helikopter frå Kinsarvik til Hovden over Lofthus. Her vert det òg noko frakt på veg.

– Eg har gledd meg sånn til dette. Eg skal vera vakt for å passa på at ingen kjem for nær helikoptera.

Litt arbeid før opning

Etter at modulane kjem på plass, vil det gå rundt 14 dagar før hyttene kjem opp, deretter litt tid før hyttene vert tilgjengelege for bruk, får HF opplyst.

– Fylkeskommunen er nøye på at alt skal vera heilt klart når hyttene opnar.

Sandal ramsar opp det som skal skje før opning: Skilting, lakking av golv inne, biblioteket skal på plass og så skal det monterast vedomn og solcellepanel. Begge hyttene vil òg få biotoalett i eigne bygningar. Til toaletta er det funne tomt begge stader. Det vert òg noko tilpassing utanfor hyttene.

Prosjektleiaren lovar at det vil bli arbeidd med å få til opning så snart som råd.

– Me ynskjer å få til ei kjekk markering når hyttene opnar. Og me håpar det ikkje skal gå for langt ut på hausten før me er klare. Me har eit ynskje og eit mål om å få det til under Litteratursymposiet i oktober, seier ho.

I Odda arbeider ein med klarering av tomt. Hytta er ikkje avbestilt, men vert med i ei oppsamling saman med andre dagsturhytter neste vår. Ein slepp å ta imot noka hytte for lagring.

Utsetter byggingen av dagsturhytta i Odda

Totalt sett tel dagsturhyttene som er bygde og som er på veg opp i desse dagar rundt 50.

– Eit eventyr

– Eit eventyr og heilt fantastisk.

Det seier prosjektleiar for dagsturhyttene i Vestland fylkeskommune, Atle Skrede.

Det har gått fem og eit halv år sidan ideen om hyttene vart fødd. Skrede meiner det har vore høg framdrift samla sett.

I Sogn og Fjordane er det bygd 26 hytter og med dei som er på veg opp i tidlegare Hordaland no om dagen, vert det 24 her. I Rogaland kjem den fyrste hytta opp i midten av oktober.

Med dei som er på gang, vil det innan neste år vil vera i alt 85 hytter i Vestland og Rogaland.

– Dei har vore svært godt besøkte i koronatida, der dei har fylt eit veldig viktig behov. Dei hjelper fleire til å bli kjende i nærområda sine, men òg resten av fylket og i nabofylka, då mange set seg mål om å gå til fleire hytter, viser Skrede til.

Les også

Kritisk til plassering av dagsturhytte på Teglhaug

Fremmet fellesforslag: Snart kommer det dagsturhytte ovenfor dette boligfeltet

Kommentarer til denne saken