UP hadde fartsmåling på fylkesveg 550 i Eitrheimstunnelen laurdag kveld.

– Det vart skrive ut to forenkla førelegg og høgaste fart vart målt til 110 kilometer i timen. Dermed må sjåføren ut med 9800 kroner, opplyser politioverbetjent Svein Buer frå Hardanger lensmannsdistrikt.

Roa ned feststøy

Etter midnatt natt til søndag fekk politiet inn klage om høg musikk frå ei adresse i Odda.

– Me prata med dei og volumet på musikken vart skrudd ned, seier politioverbetjent Buer.

Promillekontroll på Nå

Seinare på natta køyrde ein politipatrulje frå Odda og ut til Nå, der dei gjennomførte ein promillekontroll.

Fire bilar vart kontrollerte i løpet av den om lag éin time lange kontrollen frå klokka 1 til 2. Det var ingen utslag.