Røldal fjellstyre sette jaktperioden til fjorten dagar dette året. Sjølv om dei fleste korta vart løyste inn, har det vore laber interesse også i Røldal. - Vi har ikkje hatt overnattingar på fjellstyrehyttene ved Holmavatnet og i Hellevass, seier han.

I byrjinga av jakta vart det skote nokre bukkar. - Det vart jakta i næ rleiken av Glupen. Det vart også skote tre-fire dyr i Hellevass-områ det. Eg har ikkje statstikk over fellingsresultatet, men eg trur det er skote å tte til ti dyr, opplyser Solbakken. Etter det HF forstår er det stort sett bukk som er felt av røldalsjegerane.

Null jakt

Jegerane i Odda og Eidfjord valde å ikkje ta ut jaktkorta dette å ret i protest mot Direktoratet for naturforvaltning si overprøving av lokalforvaltninga sitt fredingsvedtak. I Ullensvang tok to jegerar ut kort, men fjellstyreleiar Ragnar Ystanes opplyser at dei ikkje jakta. - Etter det eg kjenner til var det heller ingen private som tok ut kort. Fellingsprosenten i Ullensvang er dermed null, seier han.

Fjellstyra i Eidfjord, Odda og Ullensvang oppmoda jegerane om å ikkje ta ut jaktkort dette året. Dei ser ut til å ha hatt full utteljing i sine område. Johnny Vikne i Odda fjellstyre opplyser til HF at ingen jegerar i Odda tok ut jaktkort.

Vekst i vinterstamma

Røldølene følgde ikkje same linje som jegerane i dei andre allmenningane. Solbakken meiner at det ikkje er riktig å kritisera den einskilde jeger for å ha dratt på jakt.

- Er det nokon som skal kritiserast, må det vera oss i forvaltninga. For to år sidan gjekk lokalforvaltninga inn for ein fellingskvote på 5000 dyr sjølv om vi då visste at det var lite dyr på vidda. I fjor vart villreinkvoten sett til 2500 dyr. Røldal fjellstyre anka dette kvotevedtaket, men fekk ikkje medhald. Då fekk vi kritikk for at vi ville setja foten ned, seier Solbakken.

Reinsjakta i Røldal er over for i år, men i dei private valda i Telemark varer jakta ut september. Det ligg difor ikkje føre statistikk over fellingsprosenten for villreinjakta i haust. Det er uansett på det reine at det blir ein reell vekst i vinterstamma etter denne jaktsesongen.