- Me er heilt fortvila, seier Nina Søyland, syster til hundeeigaren. Onsdag var ho og mannen Øystein Monsen i ferd med å setja opp plakatar i Eidfjord.

I går, torsdag, nesten ei veke etter at hunden forsvann, har dei ikkje sett noko til han, sjølv om dei har leita og leita i området. Hunden er ei toårig tispe av rasen strihåra dachs. Ho lyder namnet Emi, og er ID-merka.

Eigarane Rimkje og Ivar Søyland kom til Statkraft si hytte ved Bakkatjørnane sist fredag. Etter ein time tok dei seg ein kort jakttur. Då fekk hunden los på ein hjort. Og det var det siste dei såg til han.

Etter det har han vore borte. Både dei og systera har vore inn att og leita utan resultat. Dei har også sett ut mat, men ingen har rørt den.

Sidan hunden er ung og ikkje kjend i terrenget, fryktar dei for at han kan ha hamna svært langt avgarde. Sidan det er lite folk att i fjellet, er sjansen for at nokon kan møta på han liten.

No freistar dei difor med å lova 10 000 kroner til den eller dei som finn Emi. Dei kan kontakta HF ved Johs H. Sekse på mobiltelefon 411 05 951, så får me både vidareformidla og informera korleis det går.