Måkestad Bovim var sjanselaus og endte nest sist i finalen søndag. Ho kom i mål på 4.13,32.

- Eg er skuffa, eg òg, parerte Ingvill då ho møtte pressa etter 4.13,32 og 11. plass i EM-finalen som hadde 12 deltakarar.

Med siger til tyrkiske Asli Cakir-Alptekin og tyrkisk sølv til Gamze Bulut, vart det ein dose «tyrkisk pepper» på Ingvill.

Ho kjente seg bra på oppvarminga og kroppen fungerte greit, men?

- Då det var ein runde igjen, kjente eg at eg hadde krefter i massevis og la inn eit høgare gir gjennom nest siste sving.

Det var då eg skulle gå ut og rundt dei framom meg eg plutseleg oppdaga at eg ikkje hadde endå eit gir. Eg fekk nærast sjokk då eg oppdaga dette 200 meter frå mål. Og så eg som trudde eg var i form. Dette kjennes vel omtrent som for ein fotballspelar som skal ta straffespark og skotet går høgt over. Jeg er så nær og allikevel så langt unna, sukka Ingvill.

Ho kom til finalen med den sjette beste persen og den sjuande beste årsbeste.

Planene fram til OL om ein månad er å springe to 1500 metrar, i Diamond League-stevnene i Paris 6. juli og London 13. eller 14. juli, pluss ein 800 meter i det svenske elitestevnet i Karlstad 19. juli.

Intervjuet er gjengitt frå Norges Friidrettsforbund sine nettsider.