- Eg må nok trena meir på unnabakketeknikk, seier ein blid og nybakt NM-vinnar, motbakkedronninga May Britt Buer til HF etter at ho laurdag på nytt tok gullet.

Suveren oppover

I den 10,4 km lange løypa frå idrettsplassen i Voss sentrum til toppen av Lønahorgi, er det nemleg eit parti der det går litt nedover. Og det var her ho merka at eit par andre var raskare. Så raske at juniorvinnar Heidi Weng frå BUL fekk betre tid.

Men der det går oppover, er Gularløparen suveren, og i seniorklassa var ho det same - nesten to minutt raskare enn toaren Merete Helgheim frå Gloppen.

Kometen Kvåle

Kometen Gaute Kvåle frå Røldal held også fram med å imponera. Med vinnartida 55.58 i klassen der 39 fullførde, var han 21 sekund etter andremann Johan Bugge frå Eidsvåg. Han vart elles berre slått av to seniorar, Øyvind Heiberg Sundby, Tjalve 54.02 og Terje Charles Aggvin, Gular 55.55.

Odd Ivar Medhus, Røldal tok bronse i klasse 35-39 år med tida 1.02.12. Han var berre 37 sekund frå sølvet medan Sverre Slethaug, Gular vann på 1.00.53.

Ulvik neste

Ingvild Skare Thygesen, Korlevoll vann elles jenter 16-17 år suverent på tida 49.45. Ho var neste seks minutt raskare enn Annvor Teigen på andreplass. Men denne klassen tel ikkje som NM.

Konkurransen vart elles prikkfritt avvikla av Voss Oppturar – som er samansett av representantar frå Voss IL, IL Ørnar, Bulken IL, Voss Friidrett, Stalheimskleiva opp og Voss Utferdslag. Løypelengd er 10.4 km - høgdeskilnad 1040 m.

Neste år er det Ulvik som skal arrangera NM, under Kvasshovden opp. Årets løp der vert arrangert om to veker.

Utdrag frå resultatlista:

Kvinner senior:

1.May Britt Buer, Il. Gular, 1.04.51

2. Merete Helgheim, Gloppen friidrettslag, 1.06.44

3. Therese Sjursen, BFG Fana 1.11.47

4. Marianne Erdal, Gular 1.22.35

5.Åse Klinkenberg, Hytteplan Sport 1.27.07

Menn jr. 22

1.Gaute Kvåle, Røldal (15 år!) 55.58

2.Johan Bugge, Eidsvåg, 56.19

3.Asbjørn Berland, Samnanger 58.20

9. Nils Magnus Bøen Grave, Korlevoll, 1.04.10

19. Martin Finne, Korlevoll, 1.09.31

25 Håvar Boge, Eidfjord Il. 1.11.53

Menn senior:

1.Øyvind Heiberg Sundby, Tjalve 52.02

2. Terje Charles Aggvin, Gular 55.55

14. Andre Botnen, Røldal 1.12.08

20 fullførde

Menn 35 – 39

1.Sverre Slethaug, Gular, 1.00.53

2. Clauis Sellevoll, Norna Salhus 1.01.30

3. Odd Ivar Medhus, Røldal 1.02.12

16 fullførde

Menn 40-44

1,Kristen Skjeldal, Vos Il. 54.46

12. Johnny Laupsa Borge Eidfjord 1.18.15

13 fullførde

Menn 50-54:

1.Oddmund Roaldkvam, Stord 1.00.26

6. Lars Seim, Røldal 1.12.27

12 fullførde

Lønahorgi Opp:

Jenter 16-16 (ikkje NM):

1. Ingvild Skare Thygesen, Korlevoll 49.45

2. Annvor Teigen, Bulken 55.39.