Røldal rundt i strålande sol
For 21. året på rad vart Røldalsløpet arrangert sundag, med vel 100 små og store løparar. Vinnarar i herre- og kvinneklassa blei Nils Magnus Bøen Grave frå IL Korlevoll og Kjersti Fresvik frå Røldal IL.
- Nils Magnus sette løyperekord på den nye traseen, med 24:23. Kjersti løp på 27:51 og var nokre få sekund bak løyperekord, fortel Sjur Åge Ekkje frå idrettslaget.
Nils Magnus vart tett følgt av Odd Ivar Medhus, som kom inn til tida 25:02. I fjor var det Odd Ivar som vann, med tida 25:04, så han sette personleg rekord på løypa med to sekund.
Dette var andre året at den nye traseen, på 6,7 kilometer, blei brukt.
Før dei vaksne løp var det ungane som fekk prøve seg. Her var distansen tilpassa aldersklassane, men sjølv ei runde kan bli litt tungt for dei som knapt har lært seg å gå.
Moro var det lell, særskilt for dei vaksne som gjette ungane rundt banene eller stod stolte med kamera ved mållina.
Hos løparane i skulealder var konkurranseinstinktet til stades, og ungane gav alt i innspurten.
På forsiden nå
Se bildene fra årets 17. mai-feiring
HF nyhende Hardanger Folkeblad har samlet noen av bildene fra årets 17. mai feiring i Indre Hardanger. Les meir
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
