-Dette var absolutt ufortent, seier trenar Magne Nondal. - Heile laget jobba godt og viste moral, men det hjelpte ikke. Det var difor ein skuffa Oddagjeng som gjekk av banen etter kampen.

Fyrste omgang var laga jamne. Sjølv om heimelaget meiner dei vart snytte for minst to klare straffar. Den eine var til og med leiarane hjå Fana einig i, seier Nondal.

Etter 30 minutter klarar derimot Espen Bjørkevoll å scora. Fana utliknar fem minutt før pause. Bortsett frå det med straffane, var 1-1 eit greitt pauseresultat.

Men i andre omgang kom Odda for fullt og køyrde det meste av spelet. Likevel var oddsen imot. Aller surast var det som skjedde heilt på tampen av kampen.

Fyrst heada Espen Bjørkevoll i tverrliggjaren. Like etter scorar Fana det avgjerande målet i andre enden av banen. Trass fleire iherdige og gode forsøk, vart sluttresultatet 1-2.

-Fana er eit desidert topplag, men denne gongen skulle Odda ha vunne, seier Nondal. OFK har spela langt færre kampar enn dei andre og ligg difor langt nede på tabellen, med berre tre poeng etter fire kampar.

Neste sundag får dei tabelltoar Stord på besøk. Ein ikkje heilt enkel motstandar det heller. Men slik OFK-juniorane spela sundag kveld, er dei gode for ein høgare plass på tabellen.