Det var duka for kappestrid mellom Il. Harding sitt damelag og Røldal i Kammerstafetten i Odda onsdag kveld. Begge laga hadde nemleg to napp i vandrepokalen. Men Harding sitt fyrstelag gjorde det relativt raskt klart at dei ville vinna for tredje året på rad - og gjorde det. Dermed fekk dei pokalen til odel og eige.

I herreklassen var det Røldal «Sau og Geit» som vann, med Bil Zinken sitt fyrstelag hakk i hel. I ungdomsklassen var skiskyttarane til OI raskast. I alt deltok 14 lag - fire av dei i den ygnste klassen.

Det var elles skikkeleg god gammaldags stemning på stadion, med mykje folk på tribunen. Også langs løypa, og særleg ved Eidkiosken, var det tett med heiande publikummarar.