Det var Plan- og ressursutvalet som ville leggje saka fram for ålmenta slik at alle kan sjå planane, omfang og koma med spørsmål og innspel, før utvalet fattar vedtak i saka.

Kinsarvik Vel skal orientere om tiltaket og heradsadministrasjon og Plan- og ressursutval vil ta for seg saksgang og vidare handsaming.

Det vert lagt opp til open debatt og høve til å koma med synspunkt.

Administrasjonen er positiv til planane som ligg i søknaden frå Kinsarvik vel, men med visse justeringar.

Fylkesmannen har vurdert saka to gonger og er skeptisk til planane slik dei ligg føre. Han syner mellom anna til strandsoneregelverk og verna vassdrag. Han anbefaler å starta ein planprosess der heile arealet vert vurdert.

I saksutgreiinga heiter det at saka er prinsipiell, omfanget av tiltaket er stort og det har mykje å seie for lokalsamfunnet.

Granden/Ålmerket er einaste høvelege stad for ein badeplass i Kinsarvik-området, men kjem i konflikt med småbåthamna, om ikkje tilhøva vert lagt til rette for å unngå ulukker.

Det var styret for Ålmerket som i si tid tok initiativ til å få ei sikra badeplass for både innbyggjarar og tilreisande. Kinsarvik vel og eldsjeler har sidan jobba fram eit prosjekt. Deira mål var å ha ei badelagune klar til bruk før sommaren.