HF har tidlegare omtala problema som oppstår når folk parkerer bilane sine utanfor Spar-butikken i sentrum. Politiet får framleis ein del henvendingar om dette.

– Det er mykje ulovleg parkering i Odda sentrum, og også langs Skjeggedalsvegen i Tyssedal. Å skriva parkeringsbøter er ikkje det vi prioriterer høgast. Men treff vi på bilar som står ulovleg parkert, må ein rekna med at det blir bøter, seier politioverbetjent Per Helge Sekse.

– Er det slik at folk parkerer der dei vil, utan å tenkja at det kan by på problem for andre?

– Det kan verka slik, ja. Særskilt no under det pågåande byggjearbeidet på Almerket skaper bilar som står parkert her vanskar, spesielt for bussar og andre store køyrety, seier Sekse.

Han vil minna om at det er soneparkering i Odda sentrum.

– Det tyder at det berre er lov å parkera der det er merka parkeringsplasser. Det er nok av lovlege stader å parkera på Almerket og Smelteverkstomta, påpeikar Sekse.