FREDAG: Fredag kveld kom politiet køyrande bak ein moped som køyrte vinglete. Patruljen bestemte seg for å stoppa den godt vaksne Odda-mannen, og slo på sirene og blålys. Mopedføraren ville derimot annleis, og stakk av på ein sideveg. Der køyrde han seg fast, og stakk av til fots. Politibetjent Paul Henriksen seier dei veit kven mannen er, og at han vil bli tatt for å stikka av frå kontroll.

LAURDAG: Ein ung mann vert nokre lappar fattigare etter at han i natt til sundag vart teken på fersk gjerning medan han urinerte på offentleg stadi Odda.

- Han stod og pissa oppover veggen. Det er så unødvendig å gjera det midt i lyse dagen. Det går jo an å gøyma seg bak ein busk eller noko. Vi såg jo rett på han, fortel politibetjent Henriksen.

SUNDAG: I 06-tida sundag morgon vart politiet gjort merksame på ein bil i Eitrheimsområdet som laga mykje lyd, skrensa og gassa. Dei fekk stansa den rusmistenkte føraren, og blodprøven som vart teken kort tid etter viste over to i promille.

- Føraren var ein lokal mann i 25-30 års alderen. Han vart fråteken førarkortet på staden, fortel politibetjent Paul Henriksen.

Sundag kveld stoppa og kontrollerte politiet ein ny bilist. Han vart seinare sikta for køyring i ruspåverka tilstand.

- Testane slo ut på forskjellige narkotiske stoff og det vart tatt blodprøve, seier politioverbetjent Per Helge Sekse. Han vart fråteken førarkortet på staden.