Politikarane vil ha ein handlingsplan på sakskartet til neste kommunestyre.

Kollbotn vil ha ferdig utarbeidd tilstandsvurdering og tiltaksplan for alle industrielle kulturminne omfatta av Unesco-søknaden. Han vil og ha ein avklaringsprosess når det gjeld framtidig eigarskap, finansiering og ny bruk av verdsarv-attraksjonane, samt utvikling av ein felles Unesco-strategi ilag med Hordaland fylke og kommunane Tinn og Notodden.

Frå talarstolen til kommunestyret sa han:

- Klokka er fem på tolv for Unesco-arbeidet.

Også Anne Marit Buer (V) utrykte viktigheita av å få på plass ein handlingsplan med tidsfrist. Ho kom med konkrete forslag til kva ho og Venstre meiner bør vere første punkt i ein slik handlingsplan.

Det vart i tillegg samrøystes vedtatt å definere formannskapet, supplert med komitéleiar i Driftskomiteen og Utviklingskomiteen og to politiske representantar frå fylkesutvalet i Hordaland til å sitje i styringsgruppa for verdsarvprosessen i Odda kommune.

Elisabeth W. Hauge (Nye Odda) bad ordføraren tidfeste når formannskapet kan kome saman for å stake ut kursen for Unesco-arbeidet.

- Det ligg til rette for eit ekstramøte, og det må skje så fort som mogleg, svara ordføraren.