Coaching fokuserer på personlege draumar, behov og utfordringar. Gjennom samtalar, alternative råd og tilbakemelding er tanken at ein kan hjelpe personar, utvikla talentet deira og realisera mål vedkomande har. Hovudtanken er å legga til rette for at ein person kan leva eit godt liv, og dermed få større livsglede.

«Learning by doing»

- Kven er målgruppa til dette kurset?

- Alle, både menn og kvinner, seier Gunvor Riim Opedal frå Kvinnovasjon i Odda og fortset:

- Det er dei som deltek i Kvinnovasjon og andre nettverk, dei som har leiar- og mellomleiaransvar, dei som har kontakt med kundar eller dei som rett og slett ynskjer å vidareutvikle seg sjølv.

Kurset vil gå over til saman fem dagar i perioden 27. september til 18. november og er lagt til ettermiddag, dag og helg. Førelesningar og praktiske øvingar vert arrangert på Vasstun Gjestehus. Gunvor kan i tillegg røpa at deltakarane vert kasta ut i praktiske oppgåver med resultatfilosofien: «learning by doing».

Det er framleis ledige plassar.

Trygg og tydeleg

- Coaching kan vera eit effektiv verktøy for å forbetre resultata i ei bedrift og for å utvikla leiarar. Gjennom eit slikt kurs kan deltakarar få større sjølverkjenning, innsikt i nye perspektiv, betre tilpassingsevne og større grad av måloppnåing, seier Gunvor.

Resultatet av coaching kan også vera at ein vert meir bevisst på handlingar og val, får større livsglede og at ein vert ein tryggare og tydelegare person. I tillegg fortel nettsider at coachingkurs gjer at du vert ein reflektert og tydeleg leiar og at du lettare tek styringa over livet ditt og kvardagen.