- I utgangspunktet ligg grensene for helseføretaka fast, seier konstituert kommunikasjonsdirektør Elisabeth Huse i Helse Vest.

Men sidan Helse Vest har fått to søknadar om flytting den siste tida, frå Eidfjord og frå Gulen i Sogn og Fjordane, vil Helse Vest laga ei felles sak som skal handsamast i løpet av hausten.

Det vart avgjort då søknadane var tema på styremøte den 1. september.

- Det konkrete innhaldet i søknadane vil bli vurdert, samtidig som ein får ei prinsipiell tilnærming, seier kommunikasjonsdirektøren.

Styreleiar Toralv Mikkelsen har forståing for argumentasjonen til Eidfjord kommune som ynskjer overflytting frå Helse Fonna til Helse Bergen.

Statistikk syner at det er det svært få av innbyggjarane i Eidfjord som vel Odda sjukehus i dag.

- For Odda sjukehus og Helse Fonna vil det i praksis ikkje ha noko å seie for tenestetilbodet ved Odda sjukehus, seier styreleiar Mikkelsen.