Regjeringa legg opp til vekst på mellom 5,25 og 6 milliardar kroner i dei samla inntektene til kommunesektoren i 2013.

- Av den samla veksten vil opp mot 5 milliardar kroner vere frie inntekter. Det legg til rette for at kommunane kan fortsetje å byggje ut barnehagar, skular, sjukeheimar og omsorgsbustadar i heile landet, seier Navarsete i ei pressemelding.

Auke i skatteinntektene

Veksten neste år kjem i tillegg til dei auka inntektene kommunane allereie har fått i år.

- Kommunesektoren vert styrka allereie i år. Nye anslag viser ein auke i skatteinntektene i 2012 på 2,3 milliardar kroner. Inntektsveksten på opp mot 5 milliardar meir i frie inntekter 2013 kjem i tillegg til dei auka skatteinntektene i 2012. Dermed ligg det godt til rette for gode kommunale tenester framover, seier Navarsete.

Tabellen syner anslag på reell vekst i dei frie inntektene for kommunane i vårt distrikt. Endelege tal vil ikkje vere klare før i statsbudsjettet for 2013.

• Jondal 1,1 millionar

• Odda 4,6 millionar

• Ullensvang 3,4 millionar

• Eidfjord 800 000

Ekstra skjønsmidlar

Regjeringa gir også 145 millionar kroner i ekstra skjønsmidlar til flaumramma kommunar og fylkeskommunar.

I tilegg foreslår regjeringa å bevilga 320 millionar kroner til sikringstiltak i forbindelse med ras, flaum og brann på riksveg- og jernbanenettet.

Hordaland får 27 millionar kroner til dette, ifølgje ei pressemelding frå Samferdselesdepartementet.