Opnar eitt år før tida
Jondalstunnelen opnar 1. september 2012
3. november i år er det gjennomslag i Jondalstunnelen. Arbeidet med tunnelen har gått så bra at den vil opna eit heilt år før den opphavlege planen.
Hausten 2013 var det opphavleg sagt at Fv. 107 Jondalstunnelen skulle stå klar til bruk. Men arbeidet har gått langt snøggare enn venta. 3. november er det gjennomslag i den 10.050 meter lange tunnelen, og prosjektleiar Rolf Harkestad fortel at førebels opningstidspunkt no er sett til 1. september 2012, altså eit heilt år før planen.
Langt føre
- Vi ligg langt føre planen, for å seia det slik. Det skuldast enkelt og greitt at det er veldig godt fjell, og drifta har gått bra, fortel Harkestad.
Datoen for gjennomslag, 3. november, er på dagen to år etter første salva vart fyrt av i tunnelprosjektet, frå Nordrepollen på Kvinnherad-sida. Ein kunne lura på om gjennomslagsdatoen var nøye planlagt, men slik er det ikkje, forsikrar Harkestad.
- Nei, slikt går det ikkje an å planleggja. Men når det først skulle passa, så passa det veldig bra, kommenterer Harkestad.
Hundre mann
Per i dag er det rundt hundre arbeidsfolk i fleire firma engasjert i tunnelarbeidet. Frå før er Kruse Smith AS og E. Opedal & Sønner engasjerte, og førre veke kom også Kvinnherad Elektro med på laget, då dei skreiv kontrakt med Vegvesenet om elektroinstallasjonen i prosjektet til ein verdi av 41,9 millionar (eksl. mva). Dei tek til med sitt arbeid rundt ein månad etter gjennomslaget.
På forsiden nå
Megakø i Kinsarvik
Ullensvang Ferja Fitjar går i skytteltrafikk mellom Kinsarvik og Utne, men det er store køer på grunn av raset ved Byrkjanes. Les meir
Lang ferjekø i Kinsarvik
Ullensvang Det er lenge sidan ferjekøen i Kinsarvik såg slik ut. Pinsetrafikken hopar seg opp når riksveg 13 er stengt mellom Tyssedal og Odda, og trafikken må over fjorden for å kome vidare sørover. Ved Esso-stasjonen like ved gjekk det hardt ut over pølse-, brus- og islageret. Les meir
Stengt igjen fram til klokka 14
Odda Etter bare to timer måtte Vegvesenet igjen stenge rv 13 forbi Byrkjanes på grunn av flom og ras. Ny vurdering blir tatt kl. 14 søndag. Oddas kommunale rutebåtjeneste fortsetter båttransport mellom Odda og Tyssedal inntil videre. Bildet er tatt da båten kom fra Tyssedal klokka 10 i morges. Les meir
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
