Dette melder Statens vegvesen i ei pressemelding.

3677 meter

”Frå Torsnes er Jondalstunnelen sprengd 1140 meter og i Nordrepollen 2537 meter, noko som tilsvarer 36% av tunnellengda”, opplyser byggeleiar Hallvor Solheim i pressemeldinga.

For ”Ødegårdstunnelen” (arbeidstittel for tunnelen mellom brua over Torsneselva og Jondal) er forskjæringa klar og første tunnelsalve er planlagd 16.eller 17. september, opplysar Vegvesenet.

Beredskapsøving

For å vere budd om ulukka skulle vere ute, har entreprenørar og utrykkingsetatane hatt beredskapsøving. Scenarioet var at tre personar var fastklemde i tunnelen etter at det hadde rasa ned ei steinblokk.

Øvinga vart halde 8. september på Torsnes-sida i Jondalstunnelen i regi av entreprenør Kruse Smith AS. Brannvesen, politi/lensmann og ambulanse deltok.