Tilbakemeldingane til varselet om oppstart av reguleringsarbeidet er ikkje lystige for Vegvesenet, men no ventar nye uttalar når planen for veg mellom Bugjeldet og Høgasteg er lagt ut til offentleg høyring.

Halv pris for veg

Å unngå tunnel vil halvera prisen, tidlegare har Vegvesenet sagt dei kan spara 30 millionar, og med overføringar frå andre vegprosjekt er vegen alt finansiert. Men prosjektet er avhengig av godkjenning frå Fylkesmannen, som har varsla mogleg motsegn på grunn av nasjonale landskapsverdiar.

Stort inngrep

«Det er allereie no klårt at vegen vil verte eit stort inngrep i fjordlandskapet. Vi er kritiske til veganlegg av denne typen med sterke negative konsekvensar for landskapet, som ved Hardangerfjorden har nasjonal verdi», skriv Fylkesmannen i sin uttale til varsel til oppstartsarbeidet med regulering.

Ikkje sikkert det vert motsegn

- Om det kjem til å bli motsegn frå Fylkesmannen, kan eg ikkje uttala meg om før vi har vurdert forslaget til reguleringsendring, seier rådgjevar Anja Wannag hjå Fylkesmannen.