Tysdag vedtok Hordaland fylkesting at kvar enkelt tannklinikk vert vurdert som eiga sak før eventuell nedlegging. Dei handsama då tannhelseplan for 2010-13, som legg opp til færre klinikkar.

Tannklinikkar som kan verta nedlagde er Røldal, Utne, Eidfjord, Granvin, Fitjar, Austrheim og Hatlestrand, heiter det i ei pressemelding frå Hordaland Fylkeskommune.

Finna fellesløysingar

Vidare gjeld dette tannklinikkar som no har ein stabil mannskapssituasjon, men som kan få problem med å rekruttera nye tannlegar i framtida. Her er det ingen frå HF sitt distrikt.

Når fylkestinget vil ha forhandlingar før nedlegging, er det for at ein skal prøva å finna ei felles løysing, der økonomi så vel som rekruttering av personale må verta vurdert.

Fykta sentralisering

Vedtaket vart samrøystes etter at eit mindretal på 27 (Ap, SV, Sp, V, Raudt) fyrst hadde røysta for eit fellesforslag frå Arbeidarpartiet og Sosialistisk venstreparti.

Eit sentralt punkt i dette forslaget var ein frykta ei sterk sentralisering, i strid med målsetjinga. Utvalet, som har arbeidd med saka, vil difor at det vert ført drøftingar med vertskommunane før framlegg til nedlegging.

Kommunane i mot

I planen er det forslag om å leggja ned i alt 12-15 tannklinikkar dei komande fire åra. Bakgrunnen for dette er problemet med å rekruttere tannlegar til utkantstrok og sikra stabile tenester til brukarane.

I høyringsfråsegnene deier dei fleste kommunane seg nøgde med dagens tannhelsetenester og dei er i mot meir sentralisering, fyrst og fremst fordi dei meiner det rammar born, funksjonshemma og eldre.