Ikkje så merkeleg det, etter at Utne grannalag hadde arrangert kassabilløp på strekkja.

Mellom 20 og 30 deltakarar, born og vaksne suste nedover med ulik fart. For mange av doningane gjekk det temmeleg raskt så bremseanordningane måtte hjelpast med skosålar.

Elleve ulike doningar stilte til start i Rally Monte Utne.

Nokre av skaparane har mogelegvis tenkt vidare enn berre eitt løp: Her var mjølkespann av god størrelse, haldar til colaboks eller annan naudsynt drikke, lenestolar for meir enn å ha det mjukt under fart (kan hende kan dei ha med eit rullande bibliotek på slep i neste løp?, ein skjult rullestol, knaggar til ymse og meire til.

Det ungkånelaget må gjera til neste løp; er å få vatningsanordning til blomane. Dei visna undervegs.

Alle fekk deltakarpris. I tillegg vanka premie til raskaste doning i dei ulike klassane, forutan fiaskopris og pris for sneisnaste bil.

Det var Ungkånene på Utne som måtte ta i mot fiaskoprisen. Det gjekk visst for treigt, dei vart sinkar i trafikken nedoverbakke.

Sneisnaste-prisen fekk Rogdo-karane som har to hjul på Utne og to på Rogdo. Kjekt med forbrødring mellom dei ulike bygdelaga og at representantar frå heile bygda og meire til er med.

Og etterpå gjekk alle i museumshagen for grilling, hygge og meir moro.

Og alle var eininge om at kassabilløp var ein sneisen idè.

Sjå biletserie frå kassabilløpet, og mer i papirutgåve seinare i veka.