Roald Haustveit er ein HF-lesar med meiningar om avisa. For ei tid sidan kontakta han redaksjonen og etterlyste ferjestatistikkar for sambanda Bruravik-Brimnes, Kinsarvik-Utne-Kvandal og Jondal-Tørvikbygd. Dette har interesse for lesarane i distriktet, meiner han.

Tipset vart belønna med eit Flax-lodd. HF sendte loddet i posten, Roald jubla, skrapa og jubla igjen. Deretter sendte han følgjande e-post til redaksjonen:

- Hjarteleg takk for Flax-lodd. Då eg hadde skrapa hadde eg vunne 500 kroner. Eg vil difor takka ekstra for den tilsendte tipspremien.

Roald er ikkje den første som har fått lodd i posten, men han er så vidt vi veit den første med så stor flaks. Vi ventar i spenning på den første HF-millionæren.

Tanken bak å sende Flax-lodd til lesarar med gode tips eller bilete frå hendingar i distriktet er gje tipsarar ei rask tilbakemelding. HF takkar for gode tips, og vonar lesarane kjem med fleire i tida framover.