Det vart inga Velure Rock i fjor. Men i år var festivalen tilbake og på scena stod band med røter frå Odda og Indre Hardanger klar til å gi publikum ein skikkeleg fest.

• Sjå video lenger nede i artikkelen!

Det klarte dei til gangs.

Ocean of Lotion, eit band som har gjort det skarpt i Japan leikte seg med publikum og leverte sitt bidrag til at dei dyvåte festivaldeltakarane skulle få noko å varme seg på.

Men det var ikkje før Tiebreaker, bandet med den svært dyktige vokalisten Thomas Espeland Karlsen, entra scenen - at regnet endeleg stoppa. Det skjedde rett nok ikkje før siste songen, men det vart blant publikum spekulert i om Karlsens spissfindige stemme kunne ha noko med saka å gjera.

Tiebreaker slapp nyleg sin aller første EP og festivaldeltakarane fekk sjølvsagt høyre alle dei fire songane på EPen.

Bandet AG3 frå Ullensvang fekk æra av å starte årets Velure Rock og vokalisten Sara Nå leverte varene, slik ho også gjorde i lag med bandet sitt då dei tok seg vidare til frå den lokale UKM – tevlinga i fjor haust .

Real Ones frå Bergen var hyra inn til å avslutte showet. Bandet er vanskeleg å feste til noko konkret sjanger, men var i aller høgste grad ei verdig avslutning og spelte seg truleg rett i mange hjarter.

Her fekk publikum alt frå gitar og trommer til ukulele og fele.

Les heile reportasjen i HF mandag