To ganger fem minutt, ein liten ballbinge med kunstgras og ein motstandar med mange innbyttarar:

Jamn kamp

Til dels knallharde skot og taktisk keeperspel gjorde at politikar-laget lenge leia kampen. Det stod ikkje på innsatsen frå nokon av laga.

Dei tre odda-politikarane måtte til slutt sjå seg slått med eitt mål av laget frå Odda Handelsstandsforening. Sluttresultatet vart 11 - 12.

På politikarlaget stilte Nils Petter Freim (H), Erlend Nævdal Bolstad (H) og Linda Haugland Jondahl (Ap).

- Vi skulle hatt minst eit par innbyttarar til, var forklaringa frå politikarane etter kampen.

To og to frå kvart lag var i aksjon i mini-ballbingen i Almerkeparken.

Også for dei yngre

Både før og etter dei vaksne, var det ungar i barneskule-alder som fekk sparka ball.

I ein kamp slo søskenbarna Sondre Iversen Hjørnevik (9) og Daniel Orrestad Hjørnevik (10) eit anna lag 6 -1.