Torsdag legg Epos til kai på Vines, Lofthus og Nå. Fredag er det Hovland og Tyssedal som er anløpsstader. Laurdag er det Herand som får vitjing, før båten som er lasta med bokstavar, bilete og illustrasjonar og eit kulturprogram for dei yngste, igjen set kurs til øyane lenger vest.

I år er det Nina Næsheim som skal gi dei unge ei kulturell oppleving.

Ho tek utgangspunkt i eit skrin ho fekk av morfaren. Han var sjømann og reiste verda rundt. I det magiske skrinet har Nina små gjenstandar som kvar har sin historie - frå fjern og nær, og for liten og for stor. Kan hende kjem det og ein song eller musikk frå det magiske skinet om dei unge lånarane er heldige.

Båtbesøk kombinert med litterært påfyll og kulturell underhaldning i nærmiljøet er populært som aldri før og besøkstala fortel sitt om den kulturelle krafta som Epos representerer i fylket vårt, skriv Hordaland fylkesbibliotek i ei pressemelding.

Dei 43 stoppa til båten ligg spreidd langs kysten og i fjordar både nord og sør i fylket. Barn og ungdom er den største brukargruppa, og både skular og barnehagar er interesserte i at bokbåten stoggar på «deira» kai i skuletida. Det er eit puslespel for Hordaland fylkesbibliotek som har det administrative ansvaret for bokbåten og for Lindås bibliotek som har driftansvaret for båten å prøve å imøtekome så mange av ønskja som mogleg, kan me lesa.

Kulturprogramma er eit samarbeid med Den kulturelle skulesekken i Hordaland, og er støtta av Folkeakademiet i Hordaland.

Det fullt mogleg å fylgja bokbåten dag for dag på

http://www.bokbaten.no/ som og turnerar Sogn og Fjordane og Møre og Romsdal.