Heilt uvitande sat Per Nornes i salen på Hardanger Folkehøgskule då Tone Tveito Eidnes byrja å introdusera årets kulturprisvinnar i Ullensvang herad. Ho var særleg glad for at juryen i år hadde valt ein kandidat frå Lofthus.

- Han har budd her i førti år og vore med på å prega bygda og aktivitetane her i like lang tid, sa ho, utan at prisvinnaren ante noko som helst.

Då ho byrja å å snakka om kunsthandverk og at dei keramiske arbeida hans ragar høgt, både lokalt og nasjonalt, og at han som mangeårig lærar på Hardanger Folkehøgskule har vore ein god ambassadør for Hardanger, byrja han å få litt mistanke.

Skodespel og dans

- Det var også han som var den nødvendige eksperten då hestelinja vart starta opp, sa ho, og heldt fram:

- Per, ja for dere har forstått at jeg snakker om Per Nornes, har også gledet mange som opplever og som skuespiller, sist i spelet om Rika Ragna, sa Tveito Eidnes

Ho tok også med folkedansaren, både som instruktør og profesjonell utøvar mellom anna under Hardanger Musikkfest. Han er også ein svært inspirerande kurshaldar, både innan spesialfeltet keramikk men og i dans og andre kulturaktivitetar.

Organisasjonsarbeid

Prisvinnaren har også vore aktiv organisasjonsarbeidar, særleg i Ullensvang kunstlag og Husflidslaget. Han har vore medlem i Ullensvang sokneråd ei årrekkje, og etter at han var med og tok opptakten til Skredhaugens Vener, har han vore leiar av venelaget. Han hadde hovudansvaret for utstillinga om stølsliv og han har aktivisert mange skuleelevar gjennom glimrande formidling.

Tveito Eidnes gav også per Norenes æra for tre overvintrande geiter på Skredhaugen, som også har fått kje.

Kunst

- Per Nornes er en verdig kandidat til å få Ullensvang herad sin kulturpris, og det er en glede å få dele den ut til han nå i 2010, sa ho før ho overrekte eit bilete som kunstnaren Ingunn van Etten hadde laga spesielt til vinnaren. I tillegg fekk han ein gåvesjekk på 5 000 kroner.

Ein audmjuk prisvinnar takka kort og hjarteleg. Nokon lang tale hadde han ikkje fått høve til å førebu.