I salen var stolte foreldre, sysken, skulevener og andre bornefamiliar som ville få med seg oppsettinga. På scena stod 27 unge skodespelarar med nervane i heilspenn.

- Det er litt spenning, men det skal vere det. Det er heilt normalt å gå rundt og vere litt kvalme, ler Ingrid Dale, som har vore koreograf og administrator.

Historia hadde både heltar og skurkar, spenning og ein lukkeleg slutt.

Dale er svært nøgd med innsatsen frå dei unge utøvarane. Dei har ikkje berre pugga replikkar, men og lært koreografi og song.

- Dei trør til når det er førestilling, dei har vert kjempeflinke, seier ho.