Utstaden Iris vart råka av akutt glede fredag kveld. Humøret til dei som spela denne kvelden, Vetrhus Bluesband, er nemleg smittsamt.

Berrføtte og kledde i rare fargar spelar dei fletta av dei fleste, og dei gjer det med eit kronisk smil som du berre må bli i godt humør av.

Vokalisten Tverdal kan berre aldri få nok av denne tilstanden, og han får med seg munnspelaren, gitaristen, tommisen - ja til og med den sindige bassisten på eit publikumsfrieri ingen kan unngå å dragast med i.

Dei spela på Iris på fredag kveld, og eg er glad enno.