Tanken bak arrangementet var mellom anna å samla vaksne, born og ungdom rundt folkemusikk og gammaldans.

- Draumen er å samla alle aldersgrupper om både spel og dans, for å inspirera og halda på alle dei flotte elevane me har på toradar og fele i kulturskulen i Ullensvang,

sa Anita Solheim Bråvoll til HF før konserten. I vinter går det heile 21 på torader, ein på trekkspel og 19 på fele.

Konserten vart leia av Harald Bu. I tillegg til elevar frå kulturskulen på fele og torader, var ei rad profesjonelle musikarar med: John Ole Morken, fele, Rannveig Djønne og Anita Solheim Bråvoll, begge torader. Oddmund Hus fotalde historier om spelemenn og spele-tradsjonar. Sissel og Jan Helge Opheim viste dans saman med born. Me fekk og høyra Retta Draget, Juniorspelemannslaget og Indre Hardanger Toradarlag.

Rannveig Djønne røpte ein nyheit. Kva det var kan du lesa om i HF papir måndag.