Medan raude tal er negative i rekneskapar, har dei raude tala på yr.no den siste tida skapt nytt håp.

Etter samanhangande kulde med stort sett berre knallblå minusgrader sidan veka før jol, har temperaturmålaren no byrja å krypa opp over nullpunktet.

Sjølv med tjukk tele i marka, har snøen liva bakkane mange stader. Og det er ikkje tvil. Under det heile ligg nytt liv klar til å "av daude gro" som det står i songen "No livnar det i lundar".

Under snøen ligg våren og lurer.

HF sin utsenda fann nokre småteikn på veg til jobb i dag tysdag ettermiddag.

Han oppmodar samstundes lesarane om å gå på jakt etter fleire. Gjerne med kamera.

Me tek imot med takk.